كارِوِوُ امامْ حسين / هَني وِ بارهَ
|
ها مِيا وِ كَربلا / دَشت وُ هُمارهَ
|
يا حسين كُرِ علي / كي بي وِ يارِت
|
اوُ يزيدِ لَعنَتي / شيوِ دِ كارِت
|
دوُ ياروُ هَفتا مَنهَ / صوُ روُزِ جَنگهَ
|
قوُشِني شمرِ لعين / دِلشوُ دِ سَنگهَ
|
زمين وُ دار وُ درخت / سيت پريشوُنهَ
|
يار دِلسوُزتِ اوُما / اَذوُ بَخوُنهَ
|
حَق گوُئي امام حسين / مَظلوُمْ وُ تَنيا
|
نوُمْ توُ موُندِگارهَ / دِ مينِ دُنيا
|
اَهلِ بِيت دوُ خيمگاهَ / ماتَمْ دِ بارَن
|
بَعد توُ چي بَكنَن / پَهل وِ كي بيارَن
|
شهادِت قبوُل كِرِدي / تاريخ بَموُنهَ
|
كُل دُنيا دي كارِتوُ / لوُ وِ دِنوُنهَ
|
دُشمِنوُ سَر راسَ كِردِن / نوُمْ هَني دارهَ
|
تَتَمهَ جَنگ كَربلا / ادامهَ دارهَ
|
تَشي وِر بي دوُ عراق / داعش وِ نوُمِش
|
دين وُ مَذهَبي نارهَ / اوُ دوُدموُنِش
|
وا يزيدِ اوُ زِموُ / هيچ فَرقي نارهَ
|
مي كُشهَ سَر موُوِرهَ / چي گُرگِ هارهَ
|
لَشكريَ دوُ كافروُ / كَموُ وِ شوُنهَ
|
آخمْ سي امام حسين / تَنيا بَموُنهَ
|
اِ خُدا چارهَ بَكوُ / ظالمْ بَميرهَ
|
دينِ اسلامْ زُلالهَ / هِي بي نِظيرهَ
|
خاكِ پاتمْ يا حسين / وا دِلِ پاكِت
|
كُورنهِ آزا مي كهَ / ذَرِهَ دِ خاكِت
|
دِ نِميا وي سَرزمي / چي خوُت پيايي
|
حَق وِ حَق داربَرَسنهَ/چي كَد خدائي
|
مِدينهَ تا كَربلا / رَه خيلي ديرهَ
|
اِ خُدا دُشمِن اِسلامْ / هيچ پا نِيرهَ
|
داغِ عَباس سي حسين / خيلي گِروُنهَ
|
سَكينهَ گيس بوُريهَ / خَرهَ وِ شوُنهَ
|
وِ دَس خوُت كَفه پوُشي / سي شهيدوُنِت
|
سياسلامْ گُذشتكِردي/دوُمالوُجوُنِت
|
خِصلَت وُ مَردوُنگيت / دُنيا ديارهَ
|
حُر اوُما دوُ دينِ توُ / تَنيا سوُارهَ
|
داغْ حُسين داغِ عَباس / مَنهَ دِ جوُنمْ
|
تا نَفَس دارِمْ دِ دَلْ / نوُحهَ مي خوُنمْ
|
ذوُالجِنا بي سوُارهَ / ركاوُ بُريهَ
|
سَكينهَ رَت وا نِهاش / گيسيان بُريهَ
|
